» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر علي الخفاجي - 24/09/2014م - 1:18 ص | عدد القراء: 4053



    زور     الجواد     و    شوف    ...كعبة     صموده
    و    بقبره    من    إتطوف    ...    تنظر    خلوده
    و الحضره ليل إنهار ...تستقبل الزوار...كعبة صموده

    أرض          الكاظميه          اتلوح          بأنواره
    و       يستقبل       ضريحه       إجموع        زواره
    طواغيت       الدهر       ما       تمحي        آثاره
    خلاها          النواصب          تبقه          محتاره
    صوت     الرفض     لليوم     ...يحجي      الحقيقه
    و    يسمعه    كل   مظلوم   ...   يمشي    ابطريقه
    آية  وفه  و  إيثار  ...تستقبل الزوار...كعبة  صموده

    تاريخ          الكرامه          خالد           إنشوفه
    و        رايات       النصر       لازمها       بجفوفه
    نوصل      مرقده      و      ما     نقدر      إنعوفه
    و       بالمدمع      طواف      المخلص       إنطوفه
    عدنه     المحب     للموت     ...     يبقه    إلتزامه
    و    إرفعنه    هذا    الصوت   ...   لجل    الإمامه
    و   براية  الأحرار...تستقبل  الزوار...كعبة   صموده

    وينك           يالتريد          إتشوف           آياته
    هذا      الطاهر      و      ذات      النبي      ذاته
    و        ثارات       الغريب       حسين        ثاراته
    و        بأرض       المجد       لاحت        علاماته
    ركن    الشرف    و    الطيب   ...يا   شيعه   غالي
    لا     لا     تظن    إيغيب    ...    طول     الليالي
    روح  النبي  المختار...تستقبل  الزوار...كعبة صموده

    قرآن        العقيده       و       جوهر        العتره
    ورث      هيبة      علي     الكرار     من      زغره
    و      بعلمه      المبادئ      و      القيم       تقره
    لجل      دين      النبي     الهادي     نذر      عمره
    جان    الفكر    مذبوح    ...    علمه    و    يقينه
    و    شفنه    الضمير   إينوح   ...   سيفه    إبيمينه
    جف الوصي الكرار...تستقبل الزوار...كعبة  صموده

    نادينه           إبطريق          الشوق           وفايه
    و      كل      خطوه      توضح     للبشر      آيه
    غايتنه      المجد      ما      عدنه      كل       غايه
    و       بجفوف       النشامه       إترفرف      الرايه
    درب      الكرامه     إيريد     ...صرخة      ضماير
    و     تتحده     ظلم     إيزيد     ...هاي     المنابر
    و جمرة عشقنه إبنار...تستقبل الزوار...كعبة  صموده



    موقع القصائد الولائية © 2004 - 2013