أضف الموضوع
الشاعر السيد عبدالخالق المحنّه - 02/08/2014م - 2:06 ص | عدد القراء: 11146
صيح ياعلينه ...صيح ياولينه
اصرخ ياضمير ... عيدك امبارك
باعياد الغدير ...عيدك امبارك
حيدرنا أمير...عيدك امبارك
صيح ياعلينه ...صيح ياولينه
ياعاشق علـي ...همـك ينجـلي... بـتتويج الولــي... ربــك نصــبه
يحمل جبرئيل... أمر من الخليل ...حماي الدخيل ...هاي المرتبة
بلغ يانبي من السما مخصوصه أيه
من بعد النبي حيدر علي راعي الولايه
فرحان الرسول... عيدك امبارك
والشيعي شيكَول ...عيدك امبارك
من عبر الاثير... عيدك امبارك
صيح ياعلينه... صيح ياولينه
اول بالدليل... سلطان وخليل... غيره مستحيل ...يصبح لافته
يكفينه كلام ...سيف الله الهمام... وباإسم الامام ...نزلت هل اته
أدم من عصى ناده علي ربه غفر له
من مسه ذالنون الخطر حيدر وصل له
أفراح وسرور... عيدك امبارك
وانغام الطيور ...عيدك امبارك
للهادي وزير ...عيدك امبارك
صيح ياعلينه صيح ياولينه
راعي الموزمات ...سيد الكائنات ...غيره من يبات... بفراش النبي
من قبل الوجود ...وقعنه العهود... اسمع يالحسود... شيعي مذهبي
موسه ماكَدر يشطر بحر لو ما يحضره
ناده ياعلي يعرف علي يعبره
نادي يالغيور... عيدك امبارك
كل هذا الحضور... عيدك امبارك
افرح يالفقير ...عيدك امبارك
صيح ياعلينه... صيح ياولينه
حيدر يارجاي ...والماي وهواي ...مكتوب بدماي... اني الحيدري
كل عاشكَ يهيم ...والمدمع يهيم... وصيت النسيم... سلم عالغري
اسرع ياهوى واخد الكَلب اوصل نجفنه
اوصل يم علي وكَل الـ علي باسمك هتفنه
نادي بالضريح ...عيدك امبارك
يالزاير تصيح... عيدك امبارك
يالكلبك اسير... عيدك امبارك
صيح ياعلينه... صيح ياولينه
لو عندك صعاب... لاتتبع سراب... نادي بالصعاب... وين ابا الحسن
كل الانبياء ...تعرف هالنداء... ادعوا بهالدعاء ...وتزول المحن
ما يعرف علي بس العلي وطه ونبيه
افرح يالمحب فاز المحب حامي الحمية
مبروك النجاة... عيدك امبارك
وبكل اللغات... عيدك امبارك
معروف المصير ...عيدك امبارك
صيح ياعلينه صيح ياولينه |
|
