» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر هادي البوحمادي - 12/11/2012م - 11:40 م | عدد القراء: 95507



    هـا  عـلـيـهـم  ...يـعمي ها  عليهم
    صـاح بـيـهـم... يـالأكبر صاح  بيهم

    إلـيـوث حـيدر هالتنخت شمرت  ذرعانها
    شـدوا إسـروج الأصـايل من لووا  بعنانها
    هـلـهـلـت  ليها المعاره و قامت بتربانها
    إنـطـوت  مزوية عجاج و غوشت فرسانها
    كـل أراضـي كربله ...إتصيح بيهم يا هله

    لـيـلة  الوحشه  إبخزرته هالجفيل  إتجلجلت
    سـار  و القاع إشلفاها حدر جدمه  إتزلزلت
    زود  من سيف أبو فاضل زود من الدم شلت
    يـا  لـثار  الضلع صاح إبزود سيفه إرتلت
    شـاربـه  رف إبغضب ...راد يقلبهم  قلب

    إبـيـوم طـبوا للمعاره إبغير غيم  إمدخنين
    صـاحـوا  إذبـايح نمد القوم قدام الحسين
    إسـتـفـتحوا ذر الصوارم رتلوا فتح المبين
    علي  الأكبر عله اليسره و أبو فاضل عاليمين
    مـثل حمزه و حيدره ...علي و سبع  القنطره

    ضـجت  الروس  الملاحم ضاقت إنحور  الزلم
    طـفـحت  إحلوق المنايه إسيوفهم تلهم لهم
    لـلـهزيمه ما كو منفد لا حصل درب  الهزم
    عـلـي الأكبر شد عليهم طشر إبعزمه  الزلم
    إيـعـيـد  يوم الزمجره ...مثل حملة  حيدره

    ظلت إبعجها الحريبه و الشمس جنها إختفت
    عـلي الأكبر من اليسره وسطة الحومه جفت
    لنها  ضربات  الغضنفر علي إهناك  إتشاقفت
    من  شقف سيفه تعجب شاف عمه من إلتفت
    دقـوا  الظهر  إبظهر ...علي الأكبر و القمر



    موقع القصائد الولائية © 2004 - 2013