» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر علي السقاي - 19/07/2012م - 11:51 م | عدد القراء: 10295



    سـلامـة قـلـبـك مـن الـهـم .. دخـيـل اجـروحك  اتبسم
    بـألـمـنـه اويـانـه تتألم .. شوية بحالك إرحم...سلامة قلبك من الهم

    شيعتك شعبك .. وردت دربك .. و الجرح يا المهدي صوب المهدي يسعه
    يـسـاعدك ربك .. ياللي من قلبك .. تاخذ و تعطي العيونك اغله  دمعه
    تـنـظـر ابـحبك .. كلمن يندبك .. يا إمام الشوق و بشوقك  تسمعه
    حـيـاك  الـحـيـا و سـلـم .. مـن دمـعـك خـجـل  زمزم
    لـجـل  عـينك يبدر التم .. يهون البينه لا تهتم...سلامة قلبك من الهم

    نـخـفـي ما نقدر .. نشكي تتأثر .. و انته كافي الغيبه .. متحمل أمرها
    بـهـمنه  نتحير .. و آخر المعبر .. الشكوه عبره اتصير ..من تبقه  بقهرها
    و الـدمـع يـكثر .. ابشنهو يتستر .. ماكو دمعه تجري ما عندك  خبرها
    اش نـخـفـي و غـيـرتـك تـعـلـم .. قـبـل ما نبدي  نتكلم
    حـزنه  بمهجتك  خيّم .. عساك من الحزن تسلم ...سلامة قلبك من  الهم

    عـيـنـك  تراقب .. و حقك تعاتب .. لو إلك ما نشتكي و عنك  لهينه
    هـذا  أقـل  واجب .. ندعي و نطالب .. بيك الله يفرج اعليك و  علينه
    نـبچي  و نكاتب .. شخصك الغايب .. برقعة الحاجة المحب يكتب  حنينه
    يـقـيـن الـشـكـوه تـتـسـلـم .. نـوقـعـها بدموع و  دم
    نـدعـي  الـواحد  الأعظم .. نورك إلنه تتقدم ...سلامة قلبك من  الهم



    موقع القصائد الولائية © 2004 - 2013