» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 15/10/2011م - 10:42 م | عدد القراء: 7110



    يـا  مظلوم إشلون أنساك...و إشلون أتحمل فرقاك
    صـاحـت زيـنـب ...قـلـبـي  إتـعـذب
    و إشــلــون أتــحــمــل  فـرقـاك

    زيـنـب  إجـت من اليسر تجري الدمع و  اتنادي
    هـذي  مـنـازل كـربله و هذا النهر و  الوادي
    يـالـحـادي نـوخ بـالـظعن يم الأهل يالحادي
    و بـهـيـدة حـط الـراحلة و نزل بنات الهادي
    صاحت  يحسين أرد أنخاك...هاك إسمع قلبي اشناداك
    رايــح مــنــي...غــايــب  عـنـي
    و إشــلــون أتــحــمــل  فـرقـاك

    امـن  الـنـاقـة طاحت للقبر لاجن تسيل  العبره
    تـذكـر  إخوها و مصرعه و تذكر إدمومه و  نحره
    تـذكـر الخيل اللي إجت غايرة و سحقت  صدره
    عـالـغـبـره جسمه عافته و من إجت لنه  ابقبره
    نادت  ياالرحنه و عفناك...للطف جينه و ما  شفناك
    إتـنـادي و تـنـحـب ...جـبـدي  إتصوب
    و إشــلــون أتــحــمــل  فـرقـاك

    صـرخـات مـحموله ابحزن من قلب زينب تظهر
    صـاحـت  يمن فوق الترب عفتك خضيب  امعفر
    ابـمـصرعك عفتك و امزجت دمعتي و دم  المنحر
    فـارقـتـك و نـار الـجـبد مثل الخيم  تتوجر
    جـارت دنـيايه و دنياك...يالدهرك جار و  عاداك
    خــانــك  دهـرك...و انـت  ابـقـبـرك
    و إشــلــون أتــحــمــل  فـرقـاك

    كـلـمـا تـشب نار القلب أذكر لهيب  إخيامك
    كـلـمـا يصب جرح الجبد أذكر ادموع  أيتامك
    يـبـن  أمـي جيت أرد أنشدك عن نايبات  أيامك
    مـنـهو الحفر بيده القبر و منهو اللي جر  إسهامك
    عفتك متخضب ابدماك...و من يمك يسروني إعداك
    امــوذر شـفـتـك...طـايـح  عـفـتـك
    و إشــلــون أتــحــمــل  فـرقـاك

    سـهـم الـمـثـلث صوبك و إصوابه لسا يدي
    و آنـه يـخـويه امن اليسر سهم الشماته  ابجبدي
    مـسـبـيه رحت او بالظعن حادي النوايب يحدي
    مـا  جـان  تـسـبيني العده لو جان والي عندي
    اموذر  جسمك  خليناك...خذت إعيالك و  ايتاماك
    فــوق الــهــزل...صــرت أتـنـقـل
    و إشــلــون أتــحــمــل  فـرقـاك

    هـذا الـجـرالـي من الدهر كل ساعه أمر ابنكبه
    و شـخـلـت بـقـلبي المحن دنيايه نوح و  غربه
    عـقـب الـخدر رحت ابيسر هذا العليكم  صعبه
    و الـيـوم إجـيـت ابعيلتك و نار الهضم  ملتهبه
    ابـصوت  امصابك ناديناك...مظلم هالكون  ابلياك
    حـيـلـي اتـهـدم...هـالـكـون أظـلـم

    يـالـطـحت مدمي اعله الثره دلالي مثلك  مدمي
    عـنـك  يبو  اليمه رحت و الهضم يجدي  ابهضمي
    و  الـيـوم إجـيت الكربله أجري الدمع يبن  أمي
    لـو  بـالـجـبل هم القلب يزول الجبل من  همي
    مـنـهو الشالك و إتعناك...و بقبرك منهو  الواراك
    ابـدمـعـي  الـيـذرف...ظـلـيـت  أهتف
    و إشــلــون أتــحــمــل  فـرقـاك



    موقع القصائد الولائية © 2004 - 2013