» الطير إنتحر و الماي اعتذر يم نحر الإمامة  » أبويه ابنومي عودني يوسدني عله ايمينه  » تعال تعال...ما ترمش اعيونه الفقد غالي  » عاش من شافك يبويه  » قبل لا أبدي القصيدة اتعودت  » تتباهى بيك الناس .. يا مهدينا  » يمهدينه يمهدينه متى تظهر  » يمهدينه يمهدينه...بالأرواح ضحينه يمهدينه  » و لإسمِ عليٍ في أُذني  » موال لازم النهج الوصي  

  
  • أضف الموضوع


  • الشاعر الأديب الحاج جابر الكاظمي - 18/04/2010م - 10:18 ص | عدد القراء: 1373



    يـا  بـا  الفضل .... إنته الأصل....راية محمد  رايتك

    هـالـرايـه  مـن وقـعة بدر إنطاها الرسول  الحيدر
    و  بـيـها دخل غزوة أحد و حرب الأحزاب و  خيبر
    هـالـرايـه داخـرهـا عـلي الجفك و جفك  محور
    رادك  تـزمـهـا  ابـكـربله و جبهة حرب  تتصدر
    رايـة نصر .... للطف ذخر....حيدر دخرها  اليمنتك

    هـالـرايـه  إكـلـيـل الـنصر و المصطفه  كللها
    مـن يـمـنـتـه انـطاها العلي و ابصفحته  سجلها
    و الـمـرتـضـه اذخـرهـا إلك هالرايه خصك إلها
    يـا بـا الـفـضـل غـيرك عجز بس يمنتك  تحملها
    جـفـك حمل .... راية أمل....جدد نصرها  ابحومتك

    ابـهـا الـرايـه لـلطف اقصدت و بعزمك  اتباريها
    رايـه و بـإقـدام و إبـه اتـخـوض الـملاحم بيها
    تـتـراجـف  اقـلـوب  الـزلم من تسمع  ابطاريها
    هـالـرايـه  دهـرك مـا قـدر يا با الفضل  يطويها
    بهذا الوصف .... بيدك ترف....تزهي و تشع ابطلعتك

    يـدوي  صـداهـا بـالـدهر و الموت يرجف  منها
    و حـيـن ارفـعـتـها ابكربله هالجيش نشدوا  عنها
    مـنـهـو الـحـمـل راية علي و منهو الذي عالنها
    و لـن الـخـبـر إلـهـم وصل جف القمر موطنها
    خـصـمك  نفر .... من هالخبر....يعجز يقابل همتك

    هـالـرايـه مـحـور لـلـوفه رفت الأشرف غايه
    لـو  مـا  نـزل حـكـم القدر ما تهوى هاي الرايه
    دخـلـت  أبـواب الـتـضحيه و طاحت  عالمسنايه
    مـا تـهـوى لـو مـا يـنقطع جف الوفه و  عطايه
    يـم الـنهر .... حان القدر....رايه و هوت يم جثتك



    موقع القصائد الولائية © 2004 - 2013