» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • يا آل بيت رســـــول الله (صلى الله عليه وآله)
    الشاعر الأديب الحاج جابر الكاظمي - 23/10/2009م - 3:17 م | عدد القراء: 8952



     يا آل بيت رســـــول الله

    أنا سلــــــم وولــــــــــي          لمــــــــن والاكـــــــــــم

    أنا حـــــــرب وعــــــدو          لــمــــــــن عاداكــــــــم

    يا آل بيت رســـــول الله

    * * *

    يا صفوة الرحمن يالحبكم صـــــــار          للبشر رحمه واسعه هالرحـــــــمه

    انتو الأصل يا آل بيت المخـــــــــتار          قادة الأمه التهدي هاي الأمــــــــه

    شرعتوا دستور الاله الجـــــــــــبار          وطبقتوا حكمه والنجاة ابحـــــكمه

    من كياني ولسانـــــــــي          صوتــــــي ناداكــــــــم

    بشعوري وضمـــــــيري          قلــــــــبي يهــــــــواكم

    يا آل بيت رســـــول الله

    * * *

    انتو الكنوز البيها ســر الايجــــــــاد          واحنه اعترفنه وللحقيقه اعرفــنه

    حبكم وراثه انتقل مــــــــــن الاجداد          وكمل وصفنه وبيكم اتوصفـــــــنه

    من عدنه هالحب ينتــــــــقل للأولاد          حبكم شرفنه وبيكم اتشرفــــــــــنه

    كل عــــــــام بســــــــلام          نحـــــــيي ذكــــــــراكم

    فاعترفــــــــنا وهتفـــــنا          لا لــــــــــــن ننساكـــم

    يا آل بيت رســـــول الله

    * * *

    بدور الأزل حبكم يعيــــــــش اويانه          يا حي سعدنه وحبكم اليسعــــــدنه

    لأصل الشرايع والعــــــــــــدل دلانه          وثبت رشدنه عالعدل يرشدنــــــــه

    سجلنه وياكم ابفــــــــــــيض ادمانه          صفحة عهدنه عالوفه اتعاهــــدنه

    فغــــــدونا وشــــــــدونا          فــــــي روض ولاكــــم

    والخزامى تتــــــــسامى          مــن طـــــيب شذاكــــم

    يا آل بيت رســـــول الله

    * * *

    آمنه بيكم وانتوا سر الايـــــــــــمان          والراد شاهد بالكتاب ايـــــــــشاهد

    بارينه جاعلكم لسان القــــــــــــرآن          والهدف واحد للاله الواحــــــــــــد

    بيكم ختم رب الجلالة الأديـــــــــــان          بهاي المقاصد ربنه الكم قاصـــــد

    فسمعـــــــنا وأطعـــــــنا          شرعـــــــة مولاكـــــــم

    وعشقــــــنا ونطـقــــــنا          بلســـــــــان ولاكـــــــم

    يا آل بيت رســـــول الله

    * * *

    بهاي العقيدة الثابته ملتزمــــــــــين          هالأمر واجب ما نعوف الواجــــب

    واليبتعد عنكم خسر دنيه وديـــــــن          حفظ العواقب للدليل الثاقـــــــــــب

    يا وسفه گضيتوا العمر مظلومـــين          المن نحاسب يالعين انحاســــــــب

    في المصائب والنــوائب          نبـــــــــــــكي لبكاكــــم

    كم دموع بخشــــــــــوع          تجــــري لأســــــاكــــم

    يا آل بيت رســـــول الله

    * * *

    يا عترة الهادي الدهر عاداكـــــــــم          صب المظالم چم لعين وظالـــــــــم

    جور الزمان بهالوضع خلاكــــــــــم          ما بين وادم ما مثلــــــــــــهم وادم

    بديار غربه ظــــلت ايتامــــــــــــاكم          لثار الهواشم وين صفوة هاشــــم

    في البراري والصحاري          أضحى مهــــــــــــواكم

    ليت شعري كيف تجري          بالطــــــــــــــــف دماكم

    يا آل بيت رســـــول الله

    * * *

    فوگ الرمال نشوف بس الأجســــام          ظل يجري دمها اتغسلت من دمها

    وزينب بگت متحيره ابهالايــــــــتام          منهو اليلمها ومنهو يحضر يمــها

    لا أخوه عدها ولا بگت عدها اخيام          حرگوا خيمها ومن يطفي اخيـــمها

    كلِّموها واســألــــــــوها          أيــــــــن بقايـــاكــــــــم

    كيف ثكــلا تــتــــــــولى          دفــــــن ضحاياكـــــــــم

    يا آل بيت رســـــول الله

    * * *



    موقع القصائد الولائية © 2004 - 2013