» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأستاذ جابر الكاظمي - 13/03/2009م - 11:08 ص | عدد القراء: 2712



    لـتـلـوم ... يـا زمـانـي يـا  زمـانـي
    مــذمـوم ... يـا زمـانـي يـا زمـانـي
    اشما  زادت اسهام الدهر ... و نزداد إيمان و  عبر
    لـتـلـوم ... يـا زمـانـي يـا  زمـانـي

    إلـك  نعرض يا زماني صوره من وادي  النصايح
    نـحـجي  وياك ابصراحه و عن تجاربنه  نصارح
    ايـدك امـخـطـبه ابدمنه ولا تظن الها نصافح
    لـلـطفل  ظلمك يشيبه و مبدأك للناس  واضح
    مــغـرور ... يـا زمـانـي يـا زمـانـي
    مــعـذور ... يـا زمـانـي يـا زمـانـي
    و  لو ظلمك اعلينه كثر ... و نزداد إيمان و  عبر

    الغدر من شانك و طبعك يا اللي ظلمك ما نسانه
    احـنه  مثل الشمس إحنه الغيم ما يحجب ضوانه
    اشـمـا تـزيد اغيوم جورك نورنه ايزيد ابسمانه
    و الـذي يـصمد ابوجهك اسمع اشيهتف  لسانه
    غــدار  ... يــا زمـانـي يـا زمـانـي
    مـنـهـار ... يـا زمـانـي يـا  زمـانـي
    و خل تكثر اغيوم الخطر ... و نزداد إيمان و  عبر

    مـن عـلى منبر الحكمه ابوجهك الغدار  صحنه
    مـا تـهمنه اسهام جورك انت انت و احنه احنه
    احـنـه خدام ابو اليمه ابخدمته و فزنه و  نجحنه
    حـسين  عزنه حسين ودنه حسين بهواه  انشرحنه
    مـنـعـوف ... يـا زمـانـي يـا زمـانـي
    و  اتـشـوف ... يـا زمـانـي يـا  زمـاني
    ابـخدمة شبل سيد البشر... و نزداد إيمان و عبر

    لـو  ردت تـعرف الغايه و الهدف من  هالخدامه
    الـغـايه  للأجيال نشرح و سنن دستور الإمامه
    و  درب ابو السجاد درب الشرف و العز  كرامه
    و الـذي يـبـتـعـد عنه ايعيش بالذل  ندامه
    و مـنـجـوز ... يـا زمـانـي يـا زمـاني
    و انـفـوز ... يـا زمـانـي يـا  زمـانـي
    و خل تشهد أحرار البشر... و نزداد إيمان و  عبر

    حـسين  نهج الشرف نهجه و التبع دستوره  فايز
    و  الـيـعادينه اعله حبه واهم و فاشل و  عاجز
    الـجـبـل مـتهمه الرياح الأسد متهزه الهزاهز
    و  احنه  اعله المبدأ مشينه و أبد ما تهمنه الحواجز
    وهــمـان ... يـا زمـانـي يـا زمـانـي
    خـسـران ... يـا زمـانـي يـا  زمـانـي
    اشـما تكثر اهموم الكدر... و نزداد إيمان و عبر

    حسين  شمس التضحيات التسطع و تزهي  ابدربنه
    حـسـين  حكمه واقعيه امسجله ابصفحة  قلبنه
    حـسين من منحره الدامي اتفرعت أغصان  حبنه
    و انـت يالتحجبنه عنه صفحتك تدري  اشكتبنه
    لـتـجـور ... يـا زمـانـي يـا زمـانـي
    ابـكـل  دور ... يـا زمـانـي يـا  زمـاني
    انوضح  لك آفاق السور... و نزداد إيمان و  عبر

    حـسـين  علمنه ابجهاده نصمد ابوجه  المصايب
    و مـن صبر زينب عرفنه الصبر عالهم و  النوايب
    عـقب  ابو اليمه ذخرها و عقب ولياها  الغوالب
    بـالـصبر  ظلت  تحامي و تحرس العيله  الغرايب
    و اتـصـيـح ... يـا زمـانـي يـا زمـاني
    ابـتـوضـيـح ... يـا زمـانـي يـا  زماني
    و  من عقب محزوز النحر... و نزداد إيمان و  عبر



    موقع القصائد الولائية © 2004 - 2013