» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر راضي الفيصلي - 01/11/2012م - 8:34 م | عدد القراء: 16580



    عـلـي  إبـيـوم  الـغـدير إنرفعت إذراعه
    أمــر مــن الإلـه و احـمـد الـذاعـه
    بـعـد عـيـنـي الـولـي حيدر إله الطاعه
    و  الــكــل بــايـع حـيـدر والـي

    كـلـمـن  يشك  بولايتك يا حيدره خسران
    و الـعـافـك عـلـي لازم يـظـل  حيران
    عـلـي  إنـت الـصـراط و منهجك  قرآن
    تــاخــذ بـيـده يـوم الـمـحـشـر

    تـدوي  بـسـوح  المعارك صرخته بغزوة بدر
    ذلـت أصحاب الرساله و من علي طلبت  عمر
    بـيد  أبو  حسين الصميدة لاحت اعلوم  النصر
    و  الـجـانـت  تـضـحـك بـجـاهـا

    بـجـه  كـلـمن قال آنه واحد يعادل الوف
    ردت بـرايـة حـقـدها و بأحد لمت صفوف
    اتـلاقـت  الطقات منها و برز قطاع  السيوف
    بــس   حــيـدر  يـلـمـع  بـتـاره

    بـس عـلي واكف بحيله من سكن عج التراب
    اتـناخت اردود الضغينه و لمت احشود  لحزاب
    كـبـرت  هلمن مبارز اهناك لن سمعت جواب
    جــاوبــهــا   الأنــزع   هـاذانـه

    جـاوب  بزلزال سيفه و خلص صوت  العامري
    ضـم أبـو الـقـاسـم تجيه لعد يوم  الخيبري
    و  يـوم  قابل ابن مرحب شاف عزمه  الحيدري
    عــبّـر  جـيـش  الله  إعـلـه اذراعـه

    عـبره  و  حاز انتصاره و بعد ما رمدت له عين
    ووسـمـه الهادي بوسامه امتاز بيه إعله السنين
    يـدري  بـس  حيدره قدها اليثبت بوقعة حنين
    فــقـاره    ايـرفـرف   بـيـمـيـنـه

    يـرفـرف  بـيمناه سيفه و طخ اله أكبر فحل
    قـدر  اعـلـيها المذله و لبست اثياب  الخجل
    لـحقت  اعليها  المخازي و طلعت اتجر  بالجمل
    حـيـدر   ظـل  ثـابـت  بـمـجـانـه

    حـيـدره  ثـابت ولينه و برز يطوي الناكثيين
    عـادت  بـصـفـيـن تطلب بثار  القاسطين
    ضـاعـوا بـبـتار حيدر من برز ليث  العرين
    يـا      زوده      و      يـا      زود     أولاده

    زود أولاده الـحـسـن و احسين يوم الزمجره
    انـدهـل  مـنـه النهروان الجيش منهو يعّبره
    اهـناك لن طارت الرووس بسيف سبع  القنطره
    حـيـدر    مـتـكـفـي   بـعـبـاسـه

    اهـنـاك سـيـطرة تفتيش منصوبه عله  المعبر
    و بـالـمـعبر نعرف الناس بين الأصلي و مزور
    و  هـنـيـالـه الجواز بيه ختم المرتضه  حيدر
    هـنـيـالـه  الـحـيـدر مـاضـي  لـه

    بـحـب  حـيـدره يـا خـلق لالا تلوموني
    و الـحـيـدر الـمـرتـضه آمالي و اظنوني
    و لـو ردتـوا اسـمـي أنـه لـمن اتنادوني
    مــجــنـون بـحـيـدر سـمـونـي



    موقع القصائد الولائية © 2004 - 2013